पिंजरा - कुसुमाग्रज

पिंजरा 

पिंजरा तोडून

मुक्त झालेला तो पक्षी

जखमी पंखातील रक्ताने

हिरव्या भूमीवर

लाल नागमोड उमटवीत

उडतो आहे आपल्या घरट्याकडे,

कदाचित आपल्या मृत्यूकडेही.

पण

त्याच्याकडे करुणेने पाहणारे सारे आकाशही

हिरावून घेऊ शकत नाही

रक्तात माखलेला

त्याचा आनंद ... अभिमान...

पिंजरा तोडल्याचा.

- कुसुमाग्रज

असेच काही आणखी लेख:

• एका तळ्यात होती | गदिमांच्या कविता
• सुगरणीचा खोपा - बहिणाबाई चौधरी