विझलो आज जरी मी

अंत

विझलो आज जरी मी,

हा माझा अंत नाही...

पेटेन उद्या नव्याने,

हे सामर्थ्य नाशवंत नाही...

छाटले जरी पंख माझे,

पुन्हा उडेन मी...

अडवू शकेल मला,

अजुन अशी भिंत नाही...

माझी झोपडी जाळण्याचे,

केलेत कैक कावे...

जळेल झोपडी अशी,

आग ती ज्वलंत नाही...

रोखण्यास वाट माझी,

वादळे होती आतूर...

डोळ्यांत जरी गेली धूळ,

थांबण्यास उसंत नाही...

- सुरेश भट

आणखी काही आठवणीतले लिखाण:

• एका तळ्यात होती | गदिमांच्या कविता
• सुगरणीचा खोपा - बहिणाबाई चौधरी

Reference

Google

मराठी साहित्य