अरे खोप्यामधी खोपा कविता | सुगरणीचा खोपा - बहिणाबाई चौधरी

सुगरणीचा खोपा 

अरे खोप्यामधी खोपा

सुगडिणीचा चांगला

पहा पिल्लासाठी तिनं

झोका झाडाला टांगला

पिल्लं निजती खोप्यात

जसा झुलता बंगला

तिचा पिल्लांमधी जीव

जीव झाडाला टांगला

खोपा विणला विणला

जसा गिलक्याचा कोसा

पाखराची कारागिरी

जरा बघ रे माणसा

तिची उलूशीच चोच

तेच दात, तेच ओठ

तुले दिले रे देवानं

दोन हात, दहा बोटं

- बहिणाबाई  चौधरी

असेच काही आणखी लेख:

• एका तळ्यात होती | गदिमांच्या कविता
• पिंजरा - कुसुमाग्रज